बिहान करिब ११ बजे हात्तीपाइले रोगविरुद्ध औषधि वितरण गरिरहेकी स्वयंसेविका सभासद् गंगा चौधरीलाई औषधि खुवाउने प्रयत्न गर्दै थिइन्। तर, चौधरीले अघिल्लोपटकको औपधिले बेफाइदा गरेको भन्दै औषधि खान मानिनन्।

सभासद् सोनिया यादवलाई पनि उनीहरूले पाँच मिनेटसम्म रोगबारे जानकारी दिँदै औषधि खुवाउने प्रयत्न गरे । उनले पनि आफूलाई अघिल्लोपटकको औषधिले सञ्चो नगरेको भन्दै टारिन् ।
अन्तमा तपाईंहरूले तालिमचाहिँ लिएको हो/होइन भनेर पन्छिइन् ।

सभासद् मधु शाहीले भने आफू पनि स्वयंसेविका भएको र दुई–तीन दिनअघि मात्र खाएको बताइन् ।
उनले अन्य सभासद्लाई पनि खान आग्रह गरिन् ।

एमाले उपाध्यक्ष वामदेव गौतम बैठक सुरु भएको भन्दै टोलीलाई वास्ता नगरी बैठकहलमा प्रवेश गरे । व्यवस्थापिका–संसद्को सोमबारको बैठक सञ्चालनअघि हात्तीपाइले रोगविरुद्धको औषधि खुवाउने अभियानमा संलग्न स्वयंसेविका र सभासद्बीच संविधानसभा भवनपरिसर नयाँ बानेश्वरमा देखिएका केही दृश्य हुन् यी ।

0 comments

Write Down Your Responses