१७औं एसियाडमा नेपाललाई पहिलो पदक, विमलाले जितिन् कास्य पदक

काठमाडौंं । दक्षिण कोरियाको इन्चोनमा जारी १७ औं एसियाली खेलकुद प्रतियोगिता (एसियाड) मा नेपाल पदकविहीन हुनबाट जोगिएको छ ।

बिहीबार बिहान नेपालले करातेतर्फ महिला एकल कांतामा सफलता हात पारेको हो । नेपालका लागि विमला तामाङमा कास्य पदक जितेकी हुन् ।

इन्चोन एसियाडमा नेपालले २५ खेलमा सहभागिता जनाएपनि अहिलेसम्म पदक जित्न सकेको थिएन ।

पदकको आशा गरिएको पुरुष क्रिकेटमा पनि नेपाल बुधबार अफगानिस्तानसँग ८ रनले पराजित भएको थियो ।

यसअघि, महिला क्रिकेट, पुरुष फुटबल, बक्सिङ, पौडीलगायतका खेल नेपालका लागि सहभागितामा नै सीमित भएका थिए ।

Labels: feature, खेलकुद