feature, प्रबिधि » भूकम्प पिडित नागरिकले थप भत्ता पाउने

सरकारलाई संयुक्त राष्ट्रसंघीय बालकोष युनिसेफले भूकम्प अतिप्रभावित १९ जिल्लाका नागरिकलाई अतिरिक्त सामाजिक सुरक्षा भत्ता दिन १ अर्ब ५० करोड रुपैयाँ सहयोग दिएको छ । यो सहयोगपछि भूकम्प अति प्रभावित जिल्लाका सामाजिक सुरक्षा भत्ता पाउदै आएका नागरिकले थप भत्ता पाउने छन् । केन्द्रीय पञ्जीकरण विभागका अनुसार भूकम्प अतिप्रभावित जिल्लाका सामाजिक सुरक्षा भत्ता पाउँदै आएका नागरिकले यो रकमबाट थप भत्ता पाउनेछन । विभागका अनुसार तत्काल प्रतिव्यक्ति ३ हजार रुपैयाँका दरले भत्ता बाँड्ने तयारी भइरहेको छ । प्रतिमहिना १ हजार रुपैयाँ पाउने वृद्धवृद्धा र सीमान्तकृत आदिवासी जनजाति, ५ सय रुपैयाँ पाउने बालबालिका तथा एकल महिला लगायतलाई दामासाही ३ हजार दिइनेछ । अतिरिक्त भत्ता वितरण हुने जिल््लामा दोलखा, सिन्धुपाल्चोक, गोरखा, नुवाकोट, रसुवा, सोलुखुम्बु, धादिङ, रामेछाप, ओखलढुंगा, खोटाङ, सिन्धुली, काभ्रे, भक्तपुर, ललितपुर, काठमाडौं, मकवानपुर, लमजुङ, तनहुँ र चितवन छन । विभागले तयार पारेको तथ्यांकअनुसार यी जिल्लामा सामाजिक सुरक्षा भत्ता पाउने लाभग्राहीको संख्या ४ लाख ६७ हजार छ । ३ हजार रुपैयाँका दरले १ अर्ब ४० करोड रुपैयाँ तत्काल बाँड्न लागिएको छ । अर्थ मन्त्रालयका सहसचिव मधुकुमार मरासिनी र युनिसेफका प्रतिनिधिबीच सहयोग रकम लिने सहमतिपत्रमा बुधबार हस्ताक्षर भएको थियो ।

1 comments

Write Down Your Responses