मलेसियामा सुरक्षा गार्ड हुन नयाँ नियम लागु

मलेसिया । मलेसियामा अब भुतपूर्व सेना प्रहरीले मात्रै सुरक्षा गार्डमा काम गर्न पाउने भएका छन् । त्यहाँको सरकारले नेपालबाट भुतपूर्व सैनिक र प्रहरीलाईमात्र लिने भएको हो ।

मलेसियाका प्रहरी प्रमुख तान श्री खलिद अबु बकरले सुरक्षा गार्डमा आउनेहरु सुरक्षा फौजमा भूतपूर्व आर्मी र प्रहरीलाई मात्र लिनुपर्ने बताएका हुन् ।

मलेसियामा बढ्दै गएको सुरक्षा गार्डको प्रभावलाई ध्यान दिँदै अब भूतपूर्व सिपाहीलाई मात्र मलेसिया ल्याउनुपर्ने खालिदले बताएका त्यहाँबाट प्रकाशित हुने द सन दैनिकले जनाएको छ ।

मलेसियामा पछिल्लो समयमा बढ्दो असुरक्षाप्रति चिन्ता व्यक्त गर्दै प्रहरी प्रमुख बकरले भुपू सेना प्रहरीलाई मात्र सुरक्षा गार्डमा ल्याउन गृहमन्त्रालयले निर्देशन दिएको जनाएका छन् ।

Labels: feature, प्रबास