feature,
समाचार
»
भाउजु भन्थ्यो, पछि उसैले लगिदियोः अर्पण कोइराला
भाउजु भन्थ्यो, पछि उसैले लगिदियोः अर्पण कोइराला
दिनेश अधिकारी ‘चरी’ प्रहरी इन्काउन्टरमा मारिएपछि चरीको विगतभन्दा पनि उनको त्रिकोणात्मक प्रेम सम्बन्धले निकै चर्चा पाएको थियो । चरी मारिएपछि प्रेमिका खुश्बु ओलीले उनी मारिनुमा पूर्व प्रेमी अर्पण कोइराला र प्रहरी निरिक्षक कुमुद ढुंगेलको नेक्सस रहेको बयान दिएपछि त्यस विषयले सबैको ध्यान बटुल्यो । यता, कोइराला र ढुंगेलमाथि आरोपको वर्षा भइरहँदा दुई पात्र मध्ये एक अपर्ण कोइराला भने गुमनाम थिए । भारतमा रहेका उनले आफूमाथि लागिएका आरोपबारे धेरै प्रतिवाद नगरेपनि नेपाल आएपछि त्यसबारे बोल्ने बताएका थिए । उनी नेपाल आएको थाहा पाएपछि लामो प्रयासपछि कोइरालासँग रातोपाटीले कुरा गर्ने अवसर मिल्यो । निलो कमिज र जिन्समा उनी बिहिबार ललितपुरको जम्सिखेलको एक रेस्टुरेन्टमा आइपुगे र त्यही भयो उनीसँग कुराकानी ।
करिब आधा घण्टा कुराकानी भयो, तर उनले तस्विर खिच्न भने दिएनन् । प्रस्तुत छ कुराकानीको सम्पादीत अंशः खुश्बुसँग तपाईंको भेट कसरी भयो ? २००५ मा ‘मिस टिन’को ट्रेनिङ भएको थियो । म नेपालमा बस्थेँ । साथीभाइसँग बाजी ठोकाइ प¥यो, मिस टिन हुनेलाई चाहिं अर्पणले पट्याउन सक्छ कि सक्दैन ? उहाँ मिस टिन हुनु भयो, मैले प्रपोज गरेँ, त्यसपछि सम्बन्ध नजिकियो । पहिलो चोटी कसरी भेट्नु भयो त ? ट्रेनिङ दिन जाँदा खुश्बुसँग भेट भयो । के को ट्रेनिङ्ग दिनुहुन्थ्यो र मिस टिनलाई ? म सुधार गृहमा थिएँ । ड्रग एडिक्सनको बारेमा मिस टिनका प्रतियोगीहरुलाई प्रशिक्षण दिनुपर्ने थियो । कति वर्ष रह्यो तपाईंहरुको सम्बन्ध ? करिब ८ वर्ष चल्यो । तपाईंहरु त बेलायतमा लिभिङ टुगेदरसम्म हुुनुहुन्थ्यो भन्ने चर्चा छ ? हो । सबै भित्री कुराहरु के गर्नु । राम्रो हुँदैन । कसरी बस्नु भएको थियो ? फ्ल्याट लिएका थियौं । फ्ल्याट चाहिं कतिको थियो ? फ्ल्याटको त कुरा छाडौं, फर्निचर मात्रै ३५ हजार पाउण्डको थियो । तपाई आफैले लगेर भर्ना गरिदिएको ? हो, आफैले लगेर भर्ना गरिदिएको । १२ पास हुनुभएको थिएन, त्यही भएर अलि गाह«ो भो । अनि मैले सबै चाँजो पाजो मिलाएर लगेको हुँ । खुश्बुसंग तपाइको पहिलो भेटमा उनको आर्थिक अवस्था कस्तो थियो ? ठीकै थियो २५ लाखको घर किनेको थियो, बल्लतल्ल । वहाँ बाबा पनि भगौडा प्रहरी भन्ने सुनेको थिएँ । अहिले कोलोनीमा बसेको सुनेको छु । सायद पछि सहयोग पाउनुभयो होला नि कतैबाट । खुश्बुले धोका दिनुको कारण के थियो ? धोका दिएको छैन । उहाँलाई अरु कोही मन प¥यो, मलाई पनि अरु कोही मन पर्न सक्छ । धोका दिने कुरै हुँदैन । खुश्वु ओलीलाई तपाईंले धेरै लगानी गर्नु भयो रे नी ? प्रेममा लगानी भइहाल्छ नि, त्यो ठूलै कुरा भएन नी । १३ करोड ७ लाख ऋण छ, अब तिर्छु । यो साथीभाइको सहयोग हो, अहिलेसम्म कसैले मागेका छैनन्, तर तिर्नु पर्छ । एउटा व्यक्तिलाई यति धेरै खर्च ? व्यक्ति होइन, मायालाई गरेको हो । मायालाई यति खर्च गर्न सकिन्न र ? दक्षता हुनेले यति खर्च गर्न सकिहाल्छ नि ! यो त धेरै भयो नि होइन ? धेरै थोरैको कुरै भएन नि । खुश्बुको बर्थ डे को दिन याक एण्ड यतिमा २० लाखभन्दा बढीको पार्टी दिनुभयो भन्ने सुनियो नि ? होला, भयो होला
। यत्रो खर्च हुँदा थोरै पनि ग्लानी छैन ? छैन, एकरति छैन । ग्लानी सबै मारिसके मैले । उद्देश्य के लिनु उडी छुनु चन्द्र एक । तपाईं त ड्रग्सको कुलतमा फँसेको मान्छे हुनुहुन्थ्यो रे । खुश्बुले नै फरक ट्रयाकमा लगेको हो त तपाईंलाई ? होइन, म आफै गएको हो । ‘एडभान्स प्रोफेसनल डिप्लोमा इन मेनेजमेन्ट’ पढ्न म आफै गएको हो । नौ महिना ट्रेनिङ गरे, त्यसको सर्टिफिकेट पनि छ । पढ्न जाँदा यताउती ड्रग्समा लागियो । त्यही क्रममा मलाई तीन दिन थुनेको थियो । हयुमन राइट भएको नेशन भएको हुनाले उनीहरुले यस्तो काम गर्नुहुन्न सुध्रिनु पर्छ भन्ने सुझाव दिनुभयो । नेपालीहरु पनि २०÷२२ जना गएका थिए । त्यसबेला माओवादी संकटकाल थियो । म चाहिं त्यसपछि नेपाल नै आएँ । यत्रो लामो सम्बन्ध कसरी अन्त्य भयो छ ? लक्ष्मी नभएर । त्यति बेला मसँग लक्ष्मी भएन उनी छाडेर गइन् । तपाईंमा पो केही कमजोरी थियो कि ? यत्रो वर्षसँगै बस्नुभयो बच्चा पनि भएन । हामीले नेपालमा संगीनी तीन महिने सुई भनेजस्तै एपोवेरा भन्ने सुइ हानियो । त्यो बेलायतमा फ्रिमा पाइन्छ । छाडेर जाँदा केही त असहज भयो होला नि ? छैन छैन, रात गइ बात गइ । तपाई देशबाहिर हुँदै चरीसँग जोडिएको घटना आयो । यसबारे तपाईलाई पहिल्यै थाहा थियो ? पहिले थाहा थिएन । घटनापछि मात्र थाहा भयो । म आफ्नै काममा थिएँ । चरी भन्ने नाम दिएको रैछ, नाम त दिनेश अधिकारी हो, उसले मलाइ दाइ भन्थ्यो । म भाइ भन्थेँ । उसको निधन भएछ, दुःख मलाई पनि लाग्यो । चरी प्रकरणमा प्रहरीले तपाईलाई पनि सोध्यो ? छैन, किन सोध्नु ? प्रहरीसँग मेरो कन्ट्याक नै भएको छैन । तपाई र कुमुद ढुंगेलको त नेक्सस छ रे नि ? दरबारमार्गमा हुँदाखेरी सडक बालबालिकाका लागि सहयोग गर्नुप¥यो है दाइ, भनेर लिएर गएको थिएँ, त्यसबेला उहाँले सहयोग गरेर बालबालिकाहरु ल्याइदिनुहुन्थ्यो हाम्रो बालग्राममा । त्यहाँबाट उहाँसँग चिनजान भएको हो । तर चरीलाई मार्नमा अर्पणको हात छ भन्छन् ? कसले के भन्छ, त्यसको मतलवै भएन नी मलाई । कसैसँग सम्पर्क पनि छैन । सम्पर्क गर्दा पनि गर्दिनँ । खुश्बु जीको आठ मिनेटको अन्तर्वार्ता हेरेको थिएँ, त्यति हो । म मुम्बइमा भएको बेला एकजना दिदीले फोन गरेर दिनेश अधिकारीको देहान्त भएछ भनेर जानकारी दिनुभएको थियो । म विवाहको तयारीमा मुम्बइमा थिएँ । खुश्बुसँग मेरो त्यसबेला केटोकेटीले भनेजस्तै ‘कट्टि’ गरिएको अवस्था थियो । म आफ्नो बाटो लागेँ, उहाँ आफ्नो बाटो लाग्नुभयो । तपाईहरुको सम्बन्धमा चरी कसरी आइपुग्यो ? दिनेश अधिकारीको मामा घर रहेछ अनामनगरमा । त्यहाँ एकजना काम गर्ने केटी झुण्डिएर मरी । त्यसको लागि कुरा मिलाउला कि भनेर दिनेशको घरमा पहिलोचोटी हामी गएका थियौं । धादिङतिर बन्द पनि भएको थियो । त्यसबेला विद्या भण्डारीलाई पनि मैले फोन गरेको थिएँ । उहाँले चरीले मिलाइहाल्छ नी भनेपछि खुश्बुलाई लिएर म दिनेशको घरमा गएको थिएँ । त्यसैबेला खुश्बुलाई यो मेरो भाइ हो भनेर चिनाएको थिएँ । पछि, दिनेश अधिकारी भाइलाई पहिलोचोटी गोली लागेर पुलबाट हाम्फाल्दा पहिलो कल खुश्बु ओलीलाई गर्नुभएको रहेछ । त्यस्तो सुन्नमा आयो । त्यसपछि हाम्रो सम्बन्ध बिग्रिन थालेको हो । केपी ओलीलाई पनि मैले चिनाएको हो दिनेश अधिकारीलाई । पछि, केपी ओलीलाई अमेरिका जानेबेलामा आइप्याड चाहिएको रहेछ, मैले किनेर दिएको हो । मैले चरीलाई पैसा दिएँ, चरीले किनेर केपी ओलीलाई दियो । पछि मैले ५१ वटा आइप्याड दिएको छु । तपाईं हुँदा चरी र खुस्बुको सम्बन्ध कस्तो थियो ? खुश्बुलाई भाउजु भनेर खुट्टा ढोग्थ्यो चरीले । मलाई पनि दाइ भनेर खुट्टा ढोग्थ्यो । हेर्दा हेर्दै उसैलाई लगिदियो । खुश्बु र चरी चाहिं कसरी नजिक भए त ? म होटल अन्नपूर्णमा आएर बस्थेँ । पटक पटक दिनेशसँग मसँगै खुश्बुको पनि चिनजान बाक्लियो । विस्तारै मसँग भन्दा चरीसँग पैसा धेरै देखिन् होला खुश्बुले उतैतिर निजिकिदै गइन् । अर्पणले खुश्बुसँग अहिले भित्रभित्रै सम्बन्ध सुधार गरिरहेको छ । भन्ने चर्चा छ नि ? प्रमाणित गरिदिनुहोस् । मेरो अहिले कुनै सम्बन्ध छैन । अब म सम्बन्ध राख्न पनि चाहन्न । आवश्यकै छैन । लगानी त चरीलाई पनि गर्नुभयो नि हैन ? चरीलाई पनि एक डेढ करोडजति लगानी गरियो । चरी प्रकरणपछि तपाईं खुल्ला ढंगले हिडेको पाइन्न नि ? किन हो ? होइन, भर्खर तीन चार दिन त भयो नेपालमा आएको । नेपाल आएपछि विस्तृतमा जवाफ दिन्छु भन्नुभएको रहेछ नि ? मैले दिन पाइनँ, केही घरायसी कामले व्यस्त भएर । के जवाफ थियो त्यस्तो ? म लेख्दै छु । मेरो किताब बिमोचन हुन्छ । जवाफ त्यसैबाट आउँछ । कस्तो किताब लेख्दै हुनुहुन्छ ? मेरो अहिलेसम्मको जीवनी, घटनाक्रम । आमा मसँगै हुनुहुन्छ । विराटनगरमा हुनुहुन्छ । कुनैपनि बेला म बोलाउन सक्छु । सम्पत्ति त सिद्धियो नि आमाले के भन्नुहुन्छ ? सम्पत्ति सिद्धिए पनि छोरा त सिद्धिएको छैन नि । सम्पत्ति त कसले के लिएर आएको थियो र कसले के लिएर जान्छ र ! पछिल्लो समयमा आफ्ना मान्छेहरुसँग सम्पर्क बढाइरहेको छु । उहाँहरुको सहयोगले केही गर्ने सोचेको छु । अहिले फर्पिङमा निवास बनाउँदैछु । घर जग्गै बेचेर खाइदियो भनेर आमा त रुनु भयो होला नि । केही सम्झाउनु भएन ? बच्चामा त सम्झाउन नसकेको अहिले ३० वर्षको छोरालाई के सम्झाउनु हुन्छ । रुनु त भयो नि । तर अहिले भने खुशी हुनुहुन्छ, बल्ल छोरो ट्र्याकमा आयो भनेर । अहिले के व्यवसायमा आवद्ध हुनुहुन्छ ? केही छैन । साथीभाइहरुको सरसहयोग र विश्वासमा आवद्ध छु । भारतको राजस्थान, हैदरावादमा छन् साथीहरु । राजस्थानमा २६ टावर बनाउने साथी छ मेरो । खुश्बुका वरिपरिका मान्छेहरुबाट केही धम्की आएको छैन ? सुनेको छु मैले, कसै कसैले त गएर गोली नै हान्दिन्छु पनि भन्नुभयो रे, हनुमान ढोकामै । अहिलेसम्म त कसैले गोली हान्न सकेको छैन । म सही सलामत छु । नेपालमै टेक्न दिन्न भन्ने पनि सुनेको थिएँ । म यहाँ आएकै यत्रो दिन भइसक्यो । चरीलाई मारेर पुलिसले ठिक ग¥यो भन्ने लाग्छ कि लाग्दैन ? त्यो विषयमा म केही भन्दिनँ । www.ratopati.com
.jpg)
0 comments
Write Down Your Responses