मुम्बई : अभिनेता गोविन्दाकी छोरी नर्मदा आहुजा अहिले बलिउडमा भाग्य खोज्दै छिन्। समाचारस्रोतका अनुसार नर्मदा नाम परिवर्तन गरी नयाँ नामका साथ चलचित्रमा देखा पर्ने भएकी छन्। चलचित्र उद्योगमा उनलाई नर्मदा होइन टिना नामले चिनिने भएको छ। समीप कंगले निर्देशन गर्ने नयाँ चलचित्रबाट उनी यही नामका साथ डेब्यु गर्दैछिन्। यस चलचित्रमा लोकप्रिय पञ्जाबी अभिनेता तथा गायक गिप्पी ग्रेवाल उनको अपोजिटमा रहने बताइएको छ। 

 

बलिउडमा नाम परिवर्तन गरेर पहिचान स्थापित गर्ने चलन पुरानै हो। यो सूचीमा बलिउडका धेरै कलाकार पर्छन्। तर नर्मदाबाट टिना बनेकी गोविन्दा पुत्रीलाई कतिको फाप्ने हो त्यो भने समयले तय गर्नेछ। हुन त नर्मदाका नजिकका साथीहरूले उनलाई टिना नामले नै बोलाउने गरेका छन्।

 

त्यसैले साथीहरूकै सल्लाहअनुसार आफूले टिना नाम रोजेको उनले बताएकी छन्। आफ्नो समयमा कहलिएका गोविन्दा पनि छोरीका भविष्यका लागि निकै कसरत गरिरहेका बताइएको छ।-एजेन्सी