feature, world » इजिप्टको उत्तरी प्रान्तमा भएका दुई आक्रमणमा ३१ सैनिकको मृत्यु

काठमाडौं, कार्तिक ८ । इजिप्टमा मुस्लिम अतिवादीहरुहले गरेको दुई छुट्टाछुट्टै आक्रमणमा परी कम्तिमा ३१ सैनिकको मृत्यु भएको छ । उत्तरी सिनाई प्रायद्धिपको तनावग्रस्त एल एरिस् सहरको सैन्य चेकपोस्टमा गराइएको कार बम विष्फोटमा २८ सैनिक मारिएका हुन् ।

यसैगरी, सोही सहरमा भएको अर्को एउटा गोलीकान्डमा परी तीन सैनिक मारिएका छन् । घटनामा २८ जनाभन्दा बढी घाइते भएका छन.् ।

एकैदिन ३१ सैनिकको मृत्यु भएपछि इजिप्ट सरकारले सिनाई प्रायद्धिपका केही भागमा संकटकाल लगाएको छ । यस आक्रमणलाई पछिल्लो एक महिनाको सबैभन्दा ठूलो आक्रमण मानिएको छ ।

यो प्रान्त पूर्व राष्ट्रपति होस्नी मुबारकलाई सन् २०११ मा सत्ताबाट हटाइए पछि कानुनविहीन अवस्थामा रहेको छ ।

आक्रमणको आशंकामा सुरक्षाकर्मीले सहरका विभिन्न भागबाट शंकास्पद जिहादी समूहका सदस्यहरुलाई पक्राउ गरिएको जनाएको छ । हालसम्म आक्रमणको जिम्मा कुनै समूहले लिएको छैन । (एजेन्सी)


http://imagekhabar.com

0 comments

Write Down Your Responses