.jpg)
विहारको 'छोटे राजन' लगायतका मोतिहारी जेलबाट आउँछ नेपाली उद्योगीलाई ज्यान मार्ने धम्की :
यीमध्येका कतिपय गुण्डाहरु मोतीहारी जेलमा बसेर पनि अपराधिक क्रियाकलाप अगाडि बढाउने काम गर्थे । जेलबाट नै कसैलाई मार्ने सुपारी (जिम्मेवारी) लिने तथा रकम असुल्ने, अपहरण गर्ने काम ती गुण्डाहरुले गर्थे । नेपालमा यस्ता धेरै घटनाहरु मोतिहारी जेलसँग जोडिएका छन् । तीमध्येका सुनिल सिंहका समुहले अहिले नेपाली उद्योगीबीच आतकं मचाएका छन् । तीन महिनाअघि भारतमै समातिएका सुनिल सिंह समूहका गुण्डाहरुले बारा र पर्सा जिल्लाका उद्योगीहरुलाई फोन गरी रकम माग गरिरहेका छन् नदिए ज्यान मार्ने धम्की समेत दिइरहेका छन् ।
भनिन्छ, सीमापारिका सुरक्षा निकायसँग पछिल्लो समयमा नेपाल प्रहरीको समन्वय बिग्रिएका कारण आपराधिक समूहको मनोवल बढेको र त्यसलाई नियन्त्र गर्न समस्या भएको छ । वीरगञ्ज उद्योग वाणिज्य संघका अध्यक्ष आशोक वैद्यले भने, हामीलाई फोन गर्दा ‘हम मोतीहारी जेलसे बोल रहे हैं मेरे आदमी जाएगें उनको ५० लाख रुपैयाँ देदेना हैं नही तो गाली मार देगें’ भन्छन् । यस प्रकारको फोन पहिला पनि आएको हो तर यसपाली जुन तरिकाले फोन आइरहेका छन् त्यसले हामीलाई चिन्तित बनाएको छ ।’ यस प्रकारको धम्की आएको विषयमा प्रहरीलाई जानकारी गराई सकेको बताउँदै उद्योगपति बैद्यले प्रहरीले छानविन गर्दै होला तर पनि अझै धम्कीपूर्ण फोन आइरहेको बताए ।
मोतिहारी जेलबाट भारतीय अपराधी सुनिल सिंह समूहको नामबाट धम्की आएको खुलासा भए पनि वीरगन्जमा धम्कीको आतंक नियन्त्रण हुन सकेको छैन । त्यो समूहको पहिचान भइसकेपछि हामी बिहारस्थित भारतीय प्रहरीसँग समन्वय गरेर नियन्त्रण गर्ने प्रयत्नमा लागेका छौं, पर्साका डिएसपी वीरबहादुर ओलीले रातोपाटीसँग कुरा गर्दै भने, सीमावर्ती भारतीय सुरक्षाकर्मीसँग हाम्रो सम्बन्ध राम्रो छ र उनीहरुसँग हाम्रो कुराकानी भइरहेको छ चाँडै सफलता मिल्ने छ ।’ भारतीय नम्बरको टेलिफोनबाट धम्क्याएर व्यापारीहरुलाई आतंकित पारेको आरोपमा जितेन्द्र गिरीलाई केही पहिले आफूहरु नियन्त्रणमा लिएको बताउँदै व्यापारीहरुले भनेको जस्तो आतंक यहाँ नरहेको दावी पनि उनले गरे । हामी पनि बजारमा अनुगमन गछौं मान्छेसँग बुझ्छौ तर त्यस्तो केही फेला पारेका छैनौ केही सानातिना धम्की आएका होला तर आतंक नै छन् भन्नु गलत हो उनले भने । सुनिल सिंह समूहले धम्की दिन प्रयोग गरेकोमध्ये ००९१८२९४६०२५९१ नम्बरको भारतीय मोबाइल वीरगञ्जका उद्योगीहरुले सार्वजनिक गरेका छन् । तैपनि प्रहरीले यसमा चासो लिएको छै न। यसमा प्रहरीहरुले चासो नलिए बारा र पर्साका उद्योगीहरु यसको समाधानका लागि अगाडि बढ्ने बताइएको छ ।
उनीहरुले केन्द्रीय अनुसन्धान ब्युरोको टोलीलाई आग्रह गरी विहारको राजधानी पटना लगि त्यहाँका सुरक्षा निकायसँग वार्ता गराउने पनि तयारी गरिरहेका छन् । वारा र पर्साका व्यपारीलाई विहारका विभिन्न ठाउँबाट बारम्बार यस्ता धम्की आउने, अपहरण गर्ने, हत्या गर्नेलगायतका कामहरु भइरहेका हुनाले तत्कालै यसको समाधानका वाणिज्य संघले पहल गर्न लागिएको बुझिएको छ । हुनत सीमावर्ती नेपाल भारत सुरक्षानिकायबीच हुने छलफलहरुमा उद्योग वाणिज्य महासंघका प्रतिनिधिहरु पनि सहभागि हुन्छन् त्यहाँ सबै कुरा मिलेका हुन्छन् सुरक्षाको पुरै प्रत्याभुति दिएका हुन्छन् तर बैठक सकिएपछि कसैले चासो लिएको देखिदैन, वैद्यले भने । भारतीय आपराधिक समूहको सांघातिक आक्रमणको शिकार भएका दर्जनौंमध्ये वीरगन्जका उद्योगी व्यापारी र नोकरी पेसाका गरी आधादर्जन मानिसले विगतमा ज्यान गुमाएका थिए । यसपटक पनि अलमल गर्यो भने कतिपयको ज्यान पनि जाने र धान पनि जाने सम्भावना हुनसक्छ । सीमापारिबाट हुने अपराधिक गतिविधि करिब ३ वर्षदेखि रोकिएर राहत पाएका उद्योगी व्यवसायी आफूहरु पुनः आतंकित बनेको वीरगञ्जका व्यपारीहरु बताउँछन् । विगतमा वीरगन्जमा आपराधिक गतिविधि गर्ने छोटेलाल सहनी, मुन्ना सिंह, मुन्ना शर्मा, मनोज सहनी, राजुसिंह राठौर लगायत गिरोहको पछिल्लो कडीका रूपमा सुनिल सिंहको नाम चर्चामा छ । अढाइ दर्जनभन्दा बढी धम्कीका घट्नामध्ये केही महत्वपूर्ण धम्कीको सम्पूर्ण जानकारी प्रहरीमा गराइए पनि समाधानको आशा कतैबाट देखिएका छैन । प्रहरीमा गएर त्यसको कुनै सुनुवाई नभएपछि उद्योगीहरु झन डराएका छन् । प्रहरीबाट आफूहरुको बारेमा कुरा लिक हुने हो कि भनि डर प्रहरीमा उजुरी गर्न समेत जाँदैन । उद्योगी वैद्यले संघको तर्फबाट पदाधिकारीसमेतको टोली पुगी लिखित रुपमै धम्कीका घट्नाबारे प्रहरीमा जाहेरी दिएको बताए । जाहेरीलगत्तै धम्की दिएको आरोपमा प्रहरीद्वारा पक्राउ गरिएका गिरीमाथि भने ३० ग्राम लागूऔषध हिरोइन बोकेको मुद्दा चलाइएको छ । फिरौतीको मुद्दामा प्रमाण नजुटेपछि लागूऔषधको काल्पनिक मुद्दामा गिरीलाई फसाइएको बताइएको छ ।
http://www.ratopati.com
0 comments
Write Down Your Responses