रोचक पाना : नीताका लागि डीसीले भित्राए नयाँ हिरो, स्टेजमै अंकमाल(फोटो फिचरसहित)

नीताका लागि डीसीले भित्राए नयाँ हिरो, स्टेजमै अंकमाल(फोटो फिचरसहित)

२१ बर्ष लामो चलचित्र यात्रामा निर्देशक तथा कलाकार दीनेश डीसी पहिलो पटक निर्माता बनेका छन् । उनले निर्माण तथा निर्देशन गर्न लागेको पहिलो चलचित्र ‘फूलै फूलको मौसम तिमीलाई’को काठमाण्डौमा आयोजना गरिएको एक कार्यक्रममा शुभसाइत गरिएको छ ।

एकिकृत नेकपा माओवादीका नेता टोपबहादुर रायमाझी, नेकपा एमालेका नेता गोकर्ण बिष्ट र उद्योगपति निर्वाण चौधरीले डीसीको सिनेमालाई शुभकामना दिए । नेता रायमाझीले आफ्नो छोरालाई हिरो बनाउँने चाहना राख्दै गर्दा गोकर्ण बिष्टले भने टोपबहादुरलाई नै हिरो बन्न प्रस्ताव गरे । दुइको ठट्टाले कार्यक्रम हल केही समय रमाइलो वातावरणले गुञ्जियो ।

नायिका नीता ढुंगानालाई चलचित्रका नयाँ कलाकार आमेश भण्डारीले रातो गुलाब दिदै प्रपोज गरे । नीता पनि आमेशको अंगालोमा वाधिइन् । आफूले खोजेजस्तै पात्र भएकाले आमेशलाई सिनेमामा लिएको डीसीको भनाई थियो ।

असोज १ गतेदेखि छायांकनमा जान लागेको सिनेमाले प्रेम र कमेडीको रमाइलो कथा बोकेको निर्देशक तथा निर्माता डीसीले बताए । चलचित्रमा राजेश हमाल, निर शाह, करिश्मा मानन्धर जस्ता कलाकारले विशेष भूमिकामा काम गर्नेछन् । चलचित्र ‘द दीनेश डीसी प्रोडक्शन’को ब्यानरमा निर्माण हुन लागेको हो ।

नीतासँग दिनेशको ८१ लाखमा ‘फूलै फूलको मौसम तिमीलाई’

0 comments

Write Down Your Responses

रोचक पाना