अश्लील भिडियो हेर्दा मस्तिष्क खुम्चन्छ
पोर्नोग्राफी (अश्लील चित्र तथा भिडियो) हेर्नेहरूको मस्तिष्क खुम्चिने एक अध्ययनले देखाएको छ । अश्लील चित्र तथा भिडियो हेर्ने बानी र त्यसले पार्ने सम्भावित असरबारे अनुसन्धानकर्ताहरुले पत्ता लगाएका छन् । अधिक समय पोर्नोग्राफी हेर्ने मानिसको मस्तिष्क जन्मैदेखि विशेष प्रकारको हुने पनि अनुसन्धानकर्ताको भनाई छ ।
बर्लिनको म्याक्स प्लाङक संस्थाका मुख्य अनुसन्धानकर्ता डा. सिमोन कुनले अश्लीलता र मस्तिष्क को आकार घट्ने विषयबीचको संबन्धबारे पत्ता लागेको पहिलोपटक भएको बताइन् । यद्यपि यसको आधिकारिक पुष्टि अहिलेसम्म भइसकेको छैन । अर्कोतिर अधिकारवादीहरुले अमेरिकामा गम्भीर रुपमा ‘पोर्नोग्राफी महामारी’ फैंलिरहेको भन्दै यसलाई धूमपान, मध्यपान तथा ड्राइभिङजस्तै रुपमा व्यवहार गरी नियन्त्रण गर्नुपर्ने बताएका छन् ।मोरालिटी इन मेडिया संस्थाका कार्यकारी निर्देशक डन हकिङ्सले अन्य प्रमुख स्वास्थ्य समस्याजस्तै पोर्नोग्राफीसंग पनि सामना गर्नुपर्ने बताए । उनले पोर्नोग्राफीले मानसिक रुपमा क्षति पुयाइरहेको पनि बताएका छन् ।अमेरिकामा अश्लील भिडियो तथा चित्र राख्ने पोर्न साइटमा अमाजोन, ट्वीटर तथा नेटफ्लिक्स गरी तीनवटामा जति संयुक्त भिजिटरभन्दा बढी भिजिटर हुने गर्छन् । इन्टरनेटमा अहिले ४२ लाख पोर्न वेबसाइट छन् । च्यारिटी युनिभर्सिटीकी डा. सिमोन कुनले आफ्नी सहकर्मी जुर्गेन गालियान्टसंग मिलेर २१ देखि ४५ वर्षबीचका ६४ जना स्वस्थ मानिससंग उनीहरुको अश्लील भिडियो तथा चित्र हेर्ने बानीका बारेमा प्रश्न सोधेका थिए ।www.zestkhabar.com
.jpg)
0 comments
Write Down Your Responses