बच्चा जन्माएर विश्व किर्तिमान

१.एकै पल्ट आठ जीवित बच्चा जन्माउने आमा

‘अक्टोमम( एकै पल्ट आठ बच्चा जन्माउने आमा)’ नाम दिइएकी नाड्या डेनाइस डड्–सुलेमान गुटाइरेज अन्तर्राष्ट्रिय जगतमा सबैको ध्यानाकर्षणको केन्द्रबिन्दु बनिन् जब उनले आठ जीवित बच्चाहरुलाई जन्म दिइन् । बेरोजगार सुलेमानका पहिले नै छ बच्चाहरु थिए । इन–भिट्ट्रो फर्टिलाइजेसनबाट बच्चा जन्माएकी सुलेमानको बच्चालाई सरकारले हेर्ने जिम्मेवारी लिएको छ ।

२. ७० वर्षमा जुम्ल्याहा बच्चा जन्माएकी आमा

छोराको तीब्र चाहना रहेका श्रीमान श्रीमतीले ७० वर्ष कटेपछि पनि छोराको चाहना भने मर्न दिएनन् । ७७ वर्ष पुगेका चरन सिंह पनवार र ७० वर्ष पुगेकी ओमकारी पनवारलाई घरको बिडो थाम्ने छोरो चाहिएको थियो । पनवार दम्पतीको दुई छोरी र पाँच नातिनातिनी रहेका छन् । महंगो पर्ने इन–भिट्ट्रो फर्टिलाइजेसनबाट बच्चा जन्माउन पनवार दम्पतीले भैंसी बेचे, जग्गा जमिन धितो राखे, बैंकबाट लोन निकाले र २००८ मा जुम्ल्याहा छोराहरुको आमाबुबा बने ।
३.संसारकी कम उचाई भएकी आमा

अमेरिकामा बस्दै आएकी ४० वर्षीय स्टेसी हेराल्ड संसारको सबैभन्दा होची आमा हुन् । ओस्टियोजिनेसिस् इम्पर्फेक्टा भन्ने रोगबाट ग्रस्त २.४ इन्च उचाई भएकी हेराल्डको ३ बच्चाहरु छन् । उनका श्रीमान विल भने ५.९ इन्च अग्ला छन् । हेराल्डका तीन बच्चा मध्ये दुई बच्चामा बुबाको गुण रहेको छ भने एक बच्चा आमा गुणा जाने डाक्टरहरुले बताएका छन् । आफ्नो बच्चा पनि उचाल्न नसक्ने उनलाई श्रीमानले उचालेर हिड्डुल गराउनु पर्दछ ।
४.लामो अन्तरालमा बच्चा जन्माएकी आमा

एलिजाबेथ एन् बटल संसारको सबैभन्दा लामो अन्तरालमा बच्चा पाउने आमा हुन् । बेल्नडा र जोसेफ नामका बच्चा जन्माएकी एन्ले पहिलो बच्चा १९ वर्षमा र दोस्रो बच्चा ६० वर्षमा जन्माएकी हुन् । बेल्नडा र जोसेफ बीच ४१ वर्ष १ सय ८५ दिनको फरक छ ।
५.संसारको सबैभन्दा सानो बच्चाकी आमा

२००४ मा महाजबिन शैखले २५ हप्ताका जुम्ल्याहा छोरीहरुलाई जन्म दिएकी हुन् । २५ हप्तामा जन्मिएका यी बच्चाहरुको शारीरिक विकास पनि राम्ररी भइसकेको थिएन । रुमाइसा रेहमानको तौल जम्मा २ सय ४३ ग्राम थियो भने उनी मात्र १० इन्चकी थिइन् । अर्की छोरी हिबाको तौल जम्मा ५ सय ६६ ग्राम थियो ।

Labels: feature, रोचक