.jpg)
ओबामाले नेपाल आउने इच्छा व्यक्त गरे
अमेरिकी राष्ट्रपति बराक ओबामाले नेपाल आउने इच्छा व्यक्त गरेका छन् ।
डेमोक्रेटिक पार्टीका स्थानीय नेता हरि शर्मासँगको भेटमा ओबामाले आफू नेपाल भ्रमण गर्न इच्छुक रहेको बताएका हुन् । शर्माले ओबामालाई नेपाल भ्रमणका लागि आग्रह गरेका थिए ।
शर्मासँगै अमेरिकी राष्ट्रपति ओबामाले एनआरएन अमेरिकाका बरिष्ठ उपाध्यक्ष लोक तिवारीसँग पनि अमरिकामा रहेका नेपालीहरुका सन्दर्भमा कुराकानी गरेका थिए ।
ओबामाले डेमोक्रेटिक नेशनल कमिटीका सदस्यहरुलाई भेट्ने क्रममा डेमोक्रेटिक नेशनल कमिटीका सदस्य समेत रहेका तिवारीले अमेरिकामा नेपालीहरुको अवस्थाबारे जानकारी दिएका हुन् । भेटमा तिवारीले अमेरिकामा झण्डै तीन लाखको हाराहारीमा नेपाली र नेपाली मुलका अमेरिकनहरु रहेको तथा अमेरिकामा नेपालीहरु ब्यापार व्यवसायतर्फ अगाडि बढिरहेको जानकारी दिए ।
तिवारीले अमेरिकामा रहेका अधिकांश नेपालीहरु डेमोक्रेटिक धारका रहेको बताउँदा ओबामाले खुशी व्यक्त गरेका थिए । तिवारीले आफूले अर्गानिक कृषि फर्म र रेष्टुरेण्ट समेत संचालन गरिरहेको बताउँदा ओबामाले ‘तपाई आफ्नो अर्गानिक फर्म र रेष्टुरेण्टमा आउनका लागि मलाई निम्ता दिन खोज्नुभएको हो ?’ भन्दै हाँसेका थिए ।
0 comments
Write Down Your Responses