वासिङ्टन, असोज ४ – ह्वाइट हाउसको परिसरमा शुक्रबार एक व्यक्ति त्यहाँको पर्खाल नाघेर प्रवेश गरी भवनमा प्रवेश गर्न खोजेपछि अन्य व्यक्तिलाई त्यहाँबाट हटाइयो भने ती व्यक्तिलाई पक्राउ गरिएको छ । अमेरिकी राष्ट्रपति बाराक ओबामा तथा उहाँका परिवार उक्त समयमा ह्वाइट हाउसमा नभएको जानकारी दिइएको छ । यसो भए पनि शुक्रबार साँझ स्थानीय समय अनुसार ७:२० बजे ह्वाइट हाउसको परिसरको उत्तरी भागमा उक्त घटना भएपछि त्यहाँ रहेका अधिकारी तथा पत्रकारहरूलाई भवनबाट हटाइएको जानकारी त्यहाँको गुप्तचर सेवाले दिएको छ । राष्ट्रपति ओबामा तथा उहाँका परिवार केही समयअगाडि दक्षिणी भागबाट साप्ताहिक बिदा मनाउन क्याम्प डेविडतर्फ जानुभएको थियो । गुप्तचर सेवाका प्रवक्ता ब्रियन लिरीले उक्त व्यक्ति टेक्सासको कपरस कभका ४२ वर्षीय ओमार गोन्जालेज भएको बताए । यी व्यक्तिसँग कुनै पनि हतियार फेला नपरेको जानकारी लिरीले दिए । गोन्जालेजलाई अधिकारीहरूले पर्खन आदेश दिएको तर निजले अधिकारीहरूको भनाइ नमानी ह्वाइट हाउसको परिसरभित्र प्रवेश गरेको तथा ह्वाइट हाउसको उत्तरी भागको ढोकामा पुगेको समयमा निजलाई पक्राउ गरिएको लिरीले उल्लेख गरे । गोन्जालेजलाई स्वास्थ्य परीक्षणका लागि जर्ज वासिङ्टन अस्पताल लगिएको लिरीले बताए । जोन्जालेजले आफ्नो छाती दुखिरहेको बताएको एक सुरक्षा अधिकारीले जानकारी दिए । कसैले ह्वाइट हाउसको पर्खाल नाघेमा सुरक्षा उल्लङ्घन गरेको मानिने र गुप्तचर सेवाले सुरक्षा, प्रवेश तथा त्यस विषयका कारण पत्ता लगाउनुपर्ने ती अधिकारीले बताए । ह्वाइटहाउसको यी व्यक्तिलाई पक्राउ गरिएको स्थान गुप्तचर सेवाका लागि सुरक्षाको दृष्टिकोणमा स्वीकार्य नभएको र यी व्यक्तिको प्रतिक्रियालाई पुरावलोकन गरिने बताइएको छ । रासस/एएफपी - See more at: http://www.ratopati.com/2014/09/20/168782.html#sthash.Civ7Qud4.dpuf
ह्वाइट हाउसको पर्खाल नाघेर एक व्यक्ति पसेपछि
Nepali Online News Blog Latest Nepali News, Breaking News and Current News,Celebrity News
Powered by Blogger.
0 comments
Write Down Your Responses