आज चन्द्र ग्रहण लाग्ने, ग्रहण अवधिभर खानपिन नगर्न सुझाव

काठमाडौं, आश्विन २२ । आज साँझ रातो चन्द्रग्रहण देखिने भएको छ । दिउँसो २ बजेर ५९ मिनेटमा देखिने चन्द्रग्रहण साँझ ६ बजेर १९ मिनेटमा सकिने छ । ब्लड मुन नाम दिइएको यो चन्द्रग्रहण बर्षको पहिलो हो ।

चन्द्रग्रहणलाई नाँगो आँखाले हेर्न सकिने भए पनि टेलिस्कोप, बाइनाकुलर, र क्यामेराले हेर्नु उचित हुने खगोलबिद्हरुले बताएकाछन् । चन्द्रग्रहण लागेको बेलामा ब्याक्टेरियाको प्रभाव पर्ने भएकाले चन्द्रग्रहणको समयअवधिभर खानपिन नगर्न खगोलबिदहरुले सुझाव दिएका छन् ।

आश्विन शुक्ल पूर्णिमा र प्रतिपदाको दिन पूर्णिमा र प्रतिपदाको सन्धिमा चन्द्रग्रहण लाग्ने गरेको बताइन्छ । ग्रहणको समयमा हवन, तर्पण, श्राद्ध, दान, देवपुजन, जप र मोक्षपछी स्नान गरेमा अक्षय पूण्य प्राप्त हुने शास्त्रिय मान्यता रही आएको छ ।

Labels: feature, आध्यात्म, समाचार