बेल्खुमा फेरी बस खस्यो, २१ जना घाइते

धादिङ, आश्विन २२ । पृथ्वी राजमार्गअन्तर्गत धादिङको पीडा गाविस वडा नं. १ बेल्खुमा बस दुर्घटना हुँदा २१ जना घाइते भएका छन् । गोरखाबाट काठमाडौँका लागि गुडेको ग १ ख ४८३९ नम्बरको बस अनियन्त्रित भई सडकबाट करिब २० मिटर तल खसेर दुर्घटना भएको हो ।

घाइते मध्ये ६ को अवस्था गम्भीर रहेको प्रहरी चौकी बैरेनीले जनाएको छ । उनीहरुलाईउपचारका लागि काठमाडौ ल्याइएको छ भने सामान्य घाइतेको स्थानीय स्वास्थ्य संस्थाहरुमा उपचार भइरहेको प्रहरीले जानकारी दिएको छ । गोरखाबाट काठमाडौका लागि खचाखच यात्रु बोकेको बस हिजो पनि धादिङको बैरेनीमा दुर्घटना भएको थियो ।

Labels: feature, अपराध