रोचक » ६ मा प्रेम विवाह ,७ कक्षामा आमा

बीर बहादुर गिरी/जाजरकोट
झट्ट सुन्दा अचच्म लाग्न सक्छ ७ कक्षामा पढ्ने बालीका आमा बनेकी छिन भन्दा । यो सत्य साबित भएको छ जाजरकोटको एक बिद्यालयमा अध्यनरत छात्रा छोराको आमा बनेपछि ।
कालीका माद्यमिक बिद्यालय रामीडाँडामाकी ललित कुमाईले कक्षा ७ मा पढ्दै गर्दा छोरा जन्माएकी छिन् । ६ कक्षामा पढ्दा गत मंसिर १ गते सोही बिद्यालयमा कक्षा ८ अध्ययतरत नबराज बोहरासंग उनको प्रेम बिबाह भएको हो । प्रेम बिबाह गरेको १० महिनापछि भदौ १ गते ललिता र नबराज छोराका आमा बाबु बनेका छन् ।
सक्ला गाविस वडा नं ३ की ललिता र रामीडाँडा गाविस ९ धौलाकोटका नबराजको एउटै स्कुलमा पढ्दा पढ्दै गर्दा ५ कक्षामा ललिता र ७ कक्षामा नवराज पढ्दा नै लभ परेको नबराज स्वीकार गर्छन । लभ परेको १ बर्षपछि बिबाह गरियो । बिबाह भएको १० महिनामै छोरा जन्मियो नबराजले लजाउदै भने । अहिले कक्षा ९ मा अध्ययनरत नबराज र ७ कक्षामा अध्ययनरत ललितालाई पढाइको भन्दा छोरा हुर्काउने चिन्ता बढेको छ ।
१५ बर्षिय ललिता र १६ बर्षिय नबराज छोरा जन्मिए पनि पढाई भने नछोड्ने बताउ“छन् । दुबैले छोरा हुर्काउने र पढ्ने काम संगसंगै गर्छौ ललिताले मुख छोपेर दैनिक नेपालगन्जस“ग भनिन । उनीहरुलाई सानैमा बिबाह गर्नु हुन्न भन्ने सल्लाह कसैले नदिएकोले बिबाह चाँडो गरेकोमा भन्दा आमा बाबु बनेकोमा लाज लागेको छ । हतार नगर्नु पथ्र्यो गरि हालियो अब जे भयो भयो ललिताले थपिन ।
अन्धबिश्वास र अशिक्षाका कारण जाजरकोटमा बालबिबाह गर्ने प्रचलनमा कमी आएको छैन । तर पछिल्लो समयमा भने स्कुलमा पढ्ने बालबालीका नै बिबाह गर्ने क्रम बढेको छ ।
६ कक्षादेखि नै बालीकाहरु सिन्दुर हालेर स्कुल पढ्न आउने गरेको कालीका माद्यमिक बिद्यालयका प्रधानाध्यापक पृथ्बीराज ज्योती बताउ“छन् ।
बालबिबाह रोक्न बिभिन्न निकायले कार्यक्रम नै संचालन गरे पनि त्यो कागजमै सिमित हुने गरेको छ । परिवारबाट नै बालबिबाह रोक्ने पहल नगर्दा बिद्यालयमा भनेर मात्र नपुग्ने प्रअ ज्योतीको भनाइ छ ।
साभार नेपालगन्जन्युज.कम
भिडियो हेर्न तल क्लिक गर्नुहोस :

0 comments

Write Down Your Responses