.jpg)
सगरमाथा आधार शिविरमा पनि वाइफाई इन्टरनेट
फोटो :फाइल फोटो
सोलुखुम्बु : सगरमाथा र आमाडब्लम हिमालका आधार शिविरमा वाइफाई इन्टरनेट शुरु गरिएको छ ।
एभरेष्ट लिङ्कले खुम्बु क्षेत्र र ती दुई हिमालका आधारशिविरमा पनि वाइफाई इन्टरनेट जडान गरेको हो । यस्तै सोलुमुम्बुका नाम्चे, खुम्जुङका साथै पर्यटकीय बस्तीहरु गोक्यो, दोले, मछेर्मो, फेरुचे, दिङ्बुचे, दिबुचे, फोर्चे, तेङ्बोचे, पाङोचे, मञ्जो, फाक्दिङमा पनि इन्टरनेट सेवा सुरु भएको छ ।
पर्यटकको सुविधालाई ध्यान दिएर खुम्बुक्षेत्रका करिब ७० प्रतिशत भूभागमा चल्ने गरी इन्टरनेट सेवा पुर्याएको एभरेष्ट लिङ्कका प्रबन्धक बुद्धि तामाङले जानकारी दिए । हाल २० एमबी गति रहेको सो इन्टरनेट चाँडै ब्याण्डविथमा ४० एमबी बनाएर तीव्र गतिको इन्टरनेट सेवा दिने प्रबन्धक तामाङले बताए ।
इन्टरनेट सेवा शुरु भएपछि दुर्गम उच्च हिमालीक्षेत्रको कुनाकन्दरासम्म ल्यापटप, मोबाइल र ट्यावलेटलगायत डिभाइसमा वाइफाईमार्फत इन्टरनेट प्रयोग गर्न सकिनेछ । इन्टरनेट सेवा पाएपछि यस क्षेत्रमा आउने पर्यटक खुसी छन् । रासस
http://annapurnapost.com/News.aspx/story/2178#sthash.oiURAcQk.2Hv4e056.dpuf
0 comments
Write Down Your Responses