feature, यौन खबर » यौन सुखका लागि पुरुषहरु यी सात डरबाट मुक्त हुनुहोस्

                     

पुरुषहरु महिलाभन्दा धेरै सेक्सका बारेमा गफ गरे पनि जब ओछ्यानमा जाने कुरा आउँछ, तब केही खास विषयसँग डराउने गर्दछन् । यो यस्तो डर हो जसले तपाईंको यौन प्रस्तुतिमा असर पार्न सक्छ । भारतीय सेक्स थेरापिस्ट तथा रिलेशनसीप परामर्शदाता डा. रञ्जन भोस्लेले यस्ता डरबाट मुक्त हुन विभिन्न उपाय सुझाएका छन् ।

नामर्दपनको डर

पुरुषहरुलाई सबैभन्दा बढी डर लाग्ने भनेको नामर्दपन नै हो । रमाइलो कुरा यो छ कि नामर्दपनको सबैभन्दा ठूलो कारण पनि यही डर हो । ९० प्रतिशत सवालमा यस्तो देखिएको छ कि नामर्दपनकी कारण मानसिक हुन्छ र केवल १० प्रतिशत मात्र कारण शारीरिक हुन्छ । यससँगै ओछ्यानमा पुरुषको प्रस्तुती परिस्थितिमाथि पनि निर्भर गर्दछ । नामर्दपनको डरको पछाडि अस्वीकार हुन्छ कि भन्ने डर पनि एक हो । आफ्नो साथीको समझदारी र सहयोगबाट यसलाई पूर्णत हटाउन सकिन्छ ।

पटक–पटक सेक्स

सेक्स पार्टनरले पटक–पटक यौन सम्पर्कको लागि आव्हान गरेमा कसरी जवाफ दिने भन्ने डरले पनि पुरुषमा घर गरिरहेको हुन्छ । तर महिलामाथिको यस्तो छवि व्यवहारबाट भन्दा पनि पुस्तक वा फिल्मबाट बढी निर्धारित हुनछ । साँचो कुरा त यो हो कि महिला र पुरुषमा यौनको आवश्यकतामा धेरै फरक हुन्छ । महिलाको अगाडि आएर आफ्नो शरीरमाथि उनको हक भएको कुरा स्पष्ट पार्नुहोस् । महिला भन्छन् कि उनीहरु पुरुषको यौन चाहना पूरा गर्नका लाजि जन्मिएका होइनन् । यी सबै कुरा त आवश्यकता र व्यवहारले निर्धारण गर्ने कुरा हो । जतिबढी तपाईं एक–दोस्रोलाई राम्रोसँग चिन्नुहुन्छ, बुझ्नु हुन्छ र अपनाउनु हुन्छ यस्तो डर आपसेआप खतम हुनेछ ।

आफैंमा नियन्त्रण गुमाउने डर

श्रीमतीलाई साह्रै माया गर्ने पुरुषहरु अरु कोही महिलाप्रति आकर्षित भइयो भने त, भन्ने डरले चिन्तित रहने गर्छन् । प्राय पुरुषहरु जसरी महिलाहरुसँग रोमान्स गर्न चाहन्छन्, उनीहरुसँग आकर्षित हुन्छन्, तर केही भने यस्तो कुरामा गिल्टी फिल गर्ने स्वभावका हुन्छन् । कुनै महिलाले आफूलाई त्यस्तो संकेत गरेमा आफैंलाई नियन्त्रण गर्न सकिन्न कि भन्ने डर उनीहरुमा हुन्छ । तपाईंमा पनि यस्तो डर छ भने सानोतिनो कुरालाई लिएर आफैंलाई किन तनावमा पार्नु हुन्छ । सबैभन्दा महत्वपूर्ण भनेको तपाईंको इमान्दारिता र प्रतिज्ञा हो, अन्य कुराले खासै प्रभाव पार्दैन ।

पत्नी अरु कोहीसँग आकर्षित त छैन ?

पुरुषहरु आफ्नो श्रीमती परपुरुषसँग आकर्षित त छैन भन्ने कुरामा धेरै सतर्क रहने गर्छन् । उनीहरु सोच्छन् कि, आफूभन्दा राम्रो अरु कोही पायो भने त्यतै आकर्षित हुने त होइन ? यसै सोचका कारण अधिकांश समय चिन्ताले सताउने गर्छ । यस्तो डर मनमा पाल्ने पुरुषहरु विनाकारण पनि आवेग र तनावमा देखिन्छन् । जो पत्नीले यो कुरा बुझ्नु हुन्छ, तपाईंलेअ आफ्नो श्रीमानको मनमा रहेको आशंकालाई विस्तारै दूर गर्दै लैजानु उचित हुन्छ ।

व्यवहार असामान्य हुने डर

कतिपय पुरुषहरु आफ्नो सेक्सुअल व्यवहार असामान्य हुन्छ कि भन्ने कुरासँग डराउने गरेको पाइन्छ । मेरो यस्तो तरिकालाई पार्टनरले नराम्रो त मानिरहेको छैन, भन्ने चिन्ता उनीहरुमा हुन्छ । यसरी चिन्ता लिइराख्नु जरुरी छैन । तर तपाईंले यो कुराको ख्याल गर्नुपर्छ, त्यसबाट तपाईंको पार्टनरले कत्तिको इन्जोइ गरिरहेको छ । दुबैले इन्जोइ गर्नसक्नु भयो भने चिन्ता लिनुको कुनै अर्थ छैन ।

शीघ्रपतनको डर

शीघ्रपतन हुनुको मुख्य कारण मानसिक नै हुन्छ । यो समस्या सबै उमेरका मानिसमा पाइन्छ । पुरुषहरु यसबाट पार पाउनका लागि उपचारका कैयन विधि अपनाउँछन्, तर सफल हुन सक्दैनन् । यदी तपाई मानसिक रुपमा तयार रहनुभयो भने यस्तो समस्या केही हदसम्म आफैं हटेर जानेछ । तपाईंको पार्टनर पनि समझदार हुनु आवश्यक छ । त्यसपछि तपाईं आफैंले आफ्नो डरलाई नियन्त्रण गरेर यस्तो समस्याबाट छुटकारा पाउन सक्नुहुन्छ ।

साईजको डर

प्राय पुरुषहरु आफ्नो लिंगको साइजका विषयमा बढी नै चिन्ता लिने गर्दछन् । यसको साइजका कारण पार्टनरलाई सन्तुष्टि दिलाउन सकिन्न कि भन्ने चिन्ता उनीहरुमा हुने गरेको पाइन्छ । यसको साइज सानो र ठूलो हुनुले यौन सुखमा खासै प्रभाव पार्दैन । यसमा साइज होइन तपाईंको शैलीले महत्वपूर्ण भूमिका खेल्ने गर्छ । प्यारको मामलामा डरले काम चल्दैन । यसका लागि समझदारी तथा परिपक्वताले आफ्नो पार्टनरलाई सहयोग गर्न सबैभन्दा जरुरी हुन्छ । यति गर्दा पनि तपाईंको चिन्ता दूर भएन भने यौन विशेषज्ञको सल्लाह लिनु नै उचित हुन्छ ।
एजेन्सी

0 comments

Write Down Your Responses