feature, समाचार » बैद्यले निकाले कडा विज्ञप्तिले हलचल मच्चायो (विज्ञप्ति सहित)

शान्ति प्रक्रियाको विषयमा सहमति जुटन नसक्दा सर्वपक्षीय राजनीतिक सम्मेलन भाँडिएपछि नेकपा–माओवादीका अध्यक्ष मोहन वैद्यले लिखित सहमति नभएसम्म सर्वपक्षीय राजनीतिक सम्मेलनको औचित्य नभएको बताएका छन् ।   सर्वपक्षीय राजनीतिक सम्मेलन बहिस्कार गरलेगत्तै वैद्यद्धारा जारी विज्ञप्तीमा नीतिगत मार्गचित्रबारे लिखित सहमति कायम गरेर मात्र सर्वदलीय सम्मेलन आयोजना गर्न सरकारसँग माग गर्दछ । प्रधानमन्त्रीको आह्वानमा चार राजनीतिक दल नेपाली कांग्रेस, नेकपा (एमाले), एनेकपा (माओवादी) र नेकपा–माओवादीबीच पटक–पटक संवाद भएपनि परन्तु, शाब्दिक रुपमा सर्वदलीय सम्मेलन गर्ने भनिएपनि त्यसको कार्यसूची, क्षेत्राधिकार लगायतका विषयहरुमा सत्तारुढ दलहरु सहमत नभएको वैद्यद्धारा जारी विज्ञप्तीमा भनिएको छ ।   सर्वदलीय सम्मेलनलाई संविधानको विषयमा मात्र सीमित राख्ने, त्यसमा पनि दलहरुबाट राय सल्लाह र सुझाव लिने प्रकृतिको बनाउने, सम्मेलनबाट कुनै पनि राजनीतिक निर्णयहरु लिन नसक्ने, सम्मलेनको पूर्वतयारी, कार्यसूची र मोडालिटीबारे चार दलको बीचमा कुनै पनि लिखित सहमति पनि गर्न नसकिने सत्तारुढ दलहरुद्वारा भनिएपछि उक्त सम्मलेनको कुनै अर्थ र औचित्य देखिएको उनले बताए । सरकारद्वारा आयोजित सर्वदलीय सम्मेलनमा हाम्रो पार्टीलगायत तेत्तीस दलीय मोर्चा सहभागी नहुने निर्णय गरिएको वैद्यद्धारा जारी विज्ञप्तीमा जनाइएको छ ।

0 comments

Write Down Your Responses