साउदी अरेबियाका नरेश अब्दुल्लाहले सिरिया तथा इराकमा व्यापक रूपमा विस्तार भइरहेको जिहादीलाई रोक्न द्रुत कारवाही नगरिए पश्चिमी मुलुक उनीहरूको अर्को लक्ष्य हुने बताएका छन । उहाँले जिहादीलाई ध्यान नदिए एक महिनामा उनीहरू युरोप पुग्ने तथा अर्को महिनामा अमेरिका पुग्ने बताउनुभयो भनी अस्रक अल–अवसात दैनिक पत्रिका तथा साउदी अरेबियाले सहयोग गरेको अल–अरेबिया टेलिभिजनले उल्लेख गरेका छन् । उहाँले साउदी अरेबियाका सहयोगी अमेरिकाका नयाँ दूत साथमा अन्य राजदूतलाई स्वागत गर्ने एक समारोहमा आतङ्कवादको कुनै सीमा नभएको र यसले मध्यपूर्वबाहिर अनेकौँ मुलुकलाई प्रभावित बनाउनसक्ने बताउनुभयो भनी ती आमसञ्चारले उल्लेख गरेको छन् । सिरिया तथा इराकमा आफ्नो क्षेत्र विस्तार गरी इस्लामिक स्टेटका जिहादी समूहले यस क्षेत्रमा त्रास फैलाएको छ । उसले त्यहाँ सयौँ व्यक्तिको घाँटी काटी हत्या गरेको छ भने आमहत्याका निकै घटना गराएको छ । यस्तो अवस्थामा कुनै पनि कारवाही गर्न नसक्नु अस्वीकार्य हुने नरेश अब्दुल्लाहले बताए । उनले अमेरिकी दूतलाई जिहादीले के गरे र के गर्नेछन् भन्ने कुरा गोप्य नभएकाले यस विषयमा आफ्ना नेतृत्वलाई सन्देश पु-याउन आग्रह गरे । उनले आतङ्कवादीमाथि शक्ति, कारण र आवश्यक गति लिएर कारवाही गर्न आग्रह गरेका छन । रासस,एएफपी
पश्चिमी मुलुक जिहादीको अर्को लक्ष्य हुने साउदी नरेशको चेतावनी
Nepali Online News Blog Latest Nepali News, Breaking News and Current News,Celebrity News
Powered by Blogger.
0 comments
Write Down Your Responses