समाचार » गोरखामा बस दुर्घटना हुँदा ३ को मृत्यु १७ जना गम्भिर घाइते

भदौ-१४, गोरखा । गोरखाको आरुघाटबाट गोरखा सदरमुकामका लागि छुटेको ना ४ ख १३९५ नम्वरको यात्रुवहाक बस आज बिहान ११ बजे बगुवा गाविस वडा नं ३ को दारेगौडा भन्ने स्थानमा दुर्घटना भएको छ । बस दुर्घटना हुँदा एक बालक सहित तीन जनाको मृत्यु भएको छ ।

दुर्घटनामा १७ जना गम्भिर घाइते भएका छन् भने ९ जना सामान्य घाइते छन् । बस सडकबाट करिब २ सय मिटर तल खसेको छ भने प्रहरी र स्थानियको पहलमा उद्धार कार्य भईरहेको जनाईएको छ । दुर्घटनामा तीज मनाएर फर्कदै गरेका महिला धेरै परेको अनुमान गरिएको छ । दुर्घटनास्थल सदरमुकामबाट करिव डेढ घण्टाको दुरीमा पर्छ ।

0 comments

Write Down Your Responses