रोचक पाना : पेटिकोटमा लुकाएर महिलाले चोरिन् ल्यापटप (तस्विर सहित)

पेटिकोटमा लुकाएर महिलाले चोरिन् ल्यापटप (तस्विर सहित)

एजेन्सी ।

भारत उत्तर प्रदेशको सहारनपुरमा अनौठो चोरी भएको छ । एक पसलबाट महिलाले पेटिकोटमा लुकाएर ल्यापटप चोरेको भिडियो सिसीटिभीमा कैद भएपछि उनको चोरी सार्वजनिक भएको हो ।

कम्प्युटर बेच्ने पसलमा ल्यापटप किन्न पुगेकी ती महिलाले पसलले नहेरेको समयमा ल्यापटप पेटिकोट भित्र लुकाइन् तर त्यो दृष्य सिसीटिभी क्यामेरामा कैद हुन पुग्यो ।

तर पसलेले ल्यापटप चोरी गरेको थाहा पाउँदा सम्म उनी साथीहरुसँग गायव भैसकेकी थिइन् । पसलेले सिसीटिभी भिडियोको आधारमा पुलिसमा खवर गरेपछि अहिले ती महिलाको खोजी भैरहेको छ ।

सबै ल्यापटप महिला ग्राहकको अगाडी थुपारेर पसले भित्र स्टोरमा गएका थिए त्यति नै बेला महिलाले पेटिकोट भित्र ल्यापटप हालेर टाप कसेँकी थिइन् ।